Кнігі-юбіляры. Якуб Колас «Новая зямля»

   У 2023 годзе 100 год спаўняецца паэме Якуба Коласа “Новая зямля”. Паэма “Новая зямля” – класічны твор нацыянальнай літаратуры, у якім глыбока адлюстраваны сацыяльныя супярэчнасці беларускай вёскі канца 19 стагоддзя.

Твор распавядае пра жыццё вяскоўцаў, пра іх мары аб лепшай будучыні.

Паэма з першых і да апошніх радкоў уяўляе гімн працы хлебароба на зямлі. У ёй кожны радок прасякнуты адной думкай: зямля павінна належыць толькі таму, хто на ёй працуе, і тады яна забяспечыць селяніну поўную волю, незалежнасць, дабрабыт, права на павагу.

Карціны жыцця і быту сялян дапаўняюцца выключнымі па сваёй маляўнічасці апісаннямі беларускай прыроды.

“Новая зямля” – эпахальная з’ява не толькі ў гісторыі нацыянальнага ліра-эпасу, але і ў гісторыі духоўнай культуры беларускага народа.

Якуб Колас марыў, каб ягоны твор знайшоў свайго чытача не толькі на працягах роднай Беларусі. У 1948 годзе ў лісце да галоўнага рэдактара выдавецтва “Советский писатель” Пятра Чагіна ён пісаў: “Лічу, што славянскімі народамі будзе з цікавасцю прачытана гэта паэма. Яна – асноўная паэма ва ўсёй маёй паэтычнай творчасці”.

 

Если вы нашли ошиб­ку, пожа­луй­ста, выде­ли­те фраг­мент тек­ста и нажми­те Ctrl+Enter.

1,310 про­смот­ров все­го, 1 про­смот­ров сего­дня

Метки: , . Закладка Постоянная ссылка.

Комментарии запрещены.