Таямніцы роднага горада

     “Таямніцы роднага горада” —  квэст пад такой назвай супрацоўнікі Пастаўскай дзіцячай бібліятэцы імя У. Дубоўкі арганізавалі для навучэнцаў экалагічнага лагера “Следапыт”. Дзеці, падзяліўшыся на тры каманды, адправіліся па-новаму пазнаваць свой горад.

Кожная каманда атрымала маршрутны ліст, згодна з якім трэба было адшукаць архітэктурныя помнікі і вызначыць, да якога перыяду гісторыі яны адносяцца; па апісанню пазнаць вядомую на Пастаўшчыне асобу; праспяваць беларускую народную песню і г.д.

І апошняе пытанне тычылася Уладзіміра Дубоўкі, менавіта сюжэт з яго казкі намаляваны на сцяне адной з залаў бібліятэкі. Праходзячы квэст, школьнікі праявілі хуткасць, кемлівасць, знаходлівасць, веды і ўменне працаваць у камандзе.

А на пытанне, якое было зададзена пасля гульні: “Ці спадабалася вам?”, — дзеці дружна адказалі, — “Так!”.

975 про­смот­ров все­го, 1 про­смот­ров сего­дня