Літаратурны конкурс “Мова – душа народа”

       У Юнькаўскай сельскай бібліятэцы да Дня роднай мовы быў праведзены літаратурны конкурс “Мова – душа народа”. На мерапрыемства былі запрошаны людзі сталага ўзросту. Усе яны з’яўляюцца актыўнымі карыстальнікамі бібліятэкі.Паважаныя госці шмат чытаюць кніг, асабліва на беларускай мове.

Бібліятэкар прапанавала ўдзельнікам мерапрыемства паспытаць свае сілы ў літаратурным конкурсе “Мова – душа народа”. Жанчыны вельмі актыўна адказвалі на пытанні, дзе трэба было па радках з вершаў назваць паэта і назву, па ўрыўку з твора адказаць, як называецца твор і хто яго напісаў, па вачах на фатаграфіі назваць імя пісьменніка.

Усе ўдзельнікі вельмі хутка справіліся з заданнем. Мерапрыемства прайшло весела, пазнавальна і з азартам.

849 про­смот­ров все­го, 1 про­смот­ров сего­дня