Выстава “Чароўны подых снежня”

     15 снежня  ў Камайскай сельскай бібліятэцы адбылося комплекснае мерапрыемства: прэзентацыя выставы “Чароўны подых снежня”, калядныя чытанні і мініфлэш-моб.

Бібліятэкар напомніла чытачам у якіх творах беларускіх пісьменнікаў апісана гэта чароўная пара года:  У. Караткевіч  “Каласы пад сярпом тваім”, З.Бядуля “Калядная рапсодыя”, В. Адамчык “Сон у калядную ноч”, Я. Колас “Калядны вечар”.  Беларусы заўсёды любілі і будуць захапляцца “святочным, старажытным духам калядным”, як напісаў Ніл Гілевіч у сваім вершы. Будуць захапляцца асаблівым духам упрыгожаных ялінак, духам ціхага чароўнага снега за акном, святлом адзінокай каляднай свечкі…

Святочны, старажытны дух калядны,

Магічны дух язычніцкіх акрас,

Смалення дух, дух кмінаў і каляндры,

Дух на шасце падвешаных каўбас,

Калісьці ўсемагутны, усеўладны,

Што ж на куццю ты не збіраеш нас?

О, Божа! Што ў душы маёй паселіцца?

І з нашых хат, і з нашых песень-дум.

Ніл Гілевіч.

Найбольш актыўныя чытачы прынялі ўдзел ў калядных чытаннях па апавяданнях пра ялінку сучаснай  пісьменніцы Ксеніі Шталенковай. У цыкл чытанняў увайшлі апавяданні: “Сямейная ялінка”, “Самотная ялінка”, “Сюрпрыз-ялінка”, “Лесавызначальная ялінка”, “Суседская ялінка”, “Карпаратыўная ялінка”. А мініфлэш-моб быў зроблены па апавяданні”Сямейная ялінка”.

Снежань вельмі задумлівы і скарацечны месяц года. Людзі ў гэты час не толькі спяшаюцца завяршыць неадкладныя справы, падрыхтавацца да сустрэчы Калядаў і Новага года, але  і часцей задумваюцца аб жыцці, аб душы, аб вечным, і прыгожым…

652 про­смот­ров все­го, 2 про­смот­ров сего­дня