Літаратурнае кафэ “Смачна чытаць”

     15 верасня ў нашай краіне адзначаецца Дзень бібліятэк. З гэтай нагоды ў Пастаўскай дзіцячай бібліятэцы імя Ул. Дубоўкі расчыніла свае дзверы  для наведвальнікаў літаратурнае кафэ “Смачна чытаць”.

Кожнаму, хто прыходзіў у гэты дзень у бібліятэку, прапаноўвалі завітаць і ў кафэ. Бібліятэкарамі было распрацавана адмысловае меню: для дарослых і для дзяцей. Дарослым прапаноўвалі вясковую каўбаску, вантрабянку з кіндзюком, бульбяную бабку, калдуны і інш..

Дзяцей частавалі бутэрбродам ад Матроскіна, цукеркамі ад дрэннага настрою, піражкамі ад Пані Чаротнай. Усе гэтыя найсмачнейшыя стравы былі “згатаваныя” аўтарамі літаратурных твораў.

Наведвальнікі прыходзілі, смакавалі, дзякавалі. А тым, у каго разгараўся апетыт да чытання, бібліятэкары выдавалі “смачную” кнігу дадому. Кафэ карыстаецца попытам у чытачоў і працягне сваю работу яшчэ тыдзень. Запрашаем!

770 про­смот­ров все­го, 1 про­смот­ров сего­дня