• «Любіце кнігу, бо яна — крыніца мудрасці, ведаў і навукі, лекі для душы» (Францыск Скарына)

Прачытаем беларускую кнігу

     Пад такой назвай ў Навасёлкаўскай сельскай бібліятэцы прайшоў агляд літаратуры для чытачоў малодшага школьнага ўзросту.

Яго мэта – выклікаць цікавасць і заахвоціць дзяцей да чытання кніг беларускіх пісьменнікаў, выхоўваць любоў і павагу да роднай мовы і літаратуры.

Агляд распачаўся словамі М. Пазнякова:

Нам кніга – вечнае святло

Крыніца ведаў, цуд бясконцы!

І параўнацца з ёй магло б,

Відаць ў свеце толькі сонца.

Яе вялікасць, заўсягды.

Яна – дарадца, сябар чуйны.

Дасць нам глыток жывой вады,

Кране святыя ў сэрцы струны…

 

Першая кніга з якой пазнаёміліся чытачы – зборнік “Касмічная кніга ў творах беларускіх пісьменнікаў”. Аўтары твораў, змешчаных ў зборніку, запрашаюць юных чытачоў у касмічнае падарожжа, расказваюць пра зоркі і невядомыя планеты.

Пазнаёміліся дзеці і з новай кнігай Міхася Пазнякова “Святло дабрыні”. У яе ўключана шмат вершаў, загадак, скарагаворак, крылатых выразаў і каламбураў.

Прапанавана дзецям кніга лаўрэата прэміі Федэрацыі прафсаюзаў Беларусі і  прэміі імя В. Віткі Уладзіміра Мазго “Цуда-вуда”.

Пра сакрэты жыхароў вадаёма даведаліся чытачы з кнігі Наталлі Бучынскай “Атракцыёны для вадзянікоў: былі і небыліцы пра жыццё надводнае і падводнае”.

Аматарам казак былі прапанаваны такія выданні як: “Залаты Талер”, “Адзін кот і адзін год”,  “Родныя казкі”, “Хаўронечка”, “Куды закаціўся блінок”, “Беларускія народныя казкі”.

Таксама адбылося знаёмства з новай кнігай Алены Масла “Мяне завуць Лахнэска”. Гэта кніга прыйшлася даспадобы маленькім чытачам. Яны даведаліся не толькі, што гэта за дзіўная істота Лахнэска, але і адправіліся ў падарожжа па марах і рэках, навучыліся цаніць разнастайнасць свету і сапраўднае, шчырае сяброўства.

Бібліятэкар Навасёлкаўскай бібліятэкі                     О.А. Танана

Если вы нашли ошибку, пожалуйста, выделите фрагмент текста и нажмите Ctrl+Enter.

68 просмотров всего, 3 просмотров сегодня

Метки: , . Закладка Постоянная ссылка.

Оставьте свой комментарий

  • Разделитель