Горад маёй любові

      Пастаўская дзіцячая бібліятэка імя У. Дубоўкі працягвае рэалізацыю праекта “Паставы – мой гонар і любоў”.  Гістарычны круіз “Горад маёй любові” стаў чарговым мерапрыемствам у рамках праекта, на якое былі запрошаны вучні 4 класа СШ №3.

Сустрэлі дзяцей Вася Вясёлкін і вядучая. З дапамогай прэзентацыі школьнікі даведаліся пра гістарычныя месцы Пастаў, архітэктурныя помнікі і вядомых людзей, якія сваім талентам і працаздольнасцю ператварылі  драўлянае паселішча ў цудоўны гарадок. Дзеці з задавальненнем паўдзельнічалі ў гульнях “Лётае, не лётае”, “Складзі слова”. Віктарына ў канцы мерапрыемства выявіла тых, хто вельмі ўважліва слухаў  пра свой горад.

Пачуццё патрыятызму выхоўваецца з малога: з павагі і турботы пра месца, дзе ты жывеш; праз беражлівыя адносіны да прыроды і праз жаданне прыносіць карысць людзям. Менавіта гэтаму вучыліся дзеці ў бібліятэцы.

553 про­смот­ров все­го, 1 про­смот­ров сего­дня