• «Любіце кнігу, бо яна — крыніца мудрасці, ведаў і навукі, лекі для душы.» (Францыск Скарына)

 135-годдзе Купалы і Коласа

     135-годдзе Купалы і Коласа – выдатных народных паэтаў, без якіх немагчыма ўявіць сабе беларускую літаратуру, не магло прайсці незаўважна ў Пастаўскай дзіцячай бібліятэцы імя У. Дубоўкі.

Рыхтуючы мерапрыемства, прысвечанае нашым паэтам, арганізатары імкнуліся зрабіць яго яркім, эмацыянальным і сучасным. З гэтай мэтай былі створаны музычныя прэзентацыі на  розныя раздзелы  паэмы “Новая зямля” Я. Коласа, прачытаны ўрыўкі з яе.

Дзеянне вечарыны разгортвалася ў імправізаванай сялянскай хаце, куды былі запрошаны госці. У госці першай завітала Зося (Алена Танана), яна распавяла пра “канец свету”,  які павінен хутка адбыцца ;потым хату наведаў пан Быкоўскі (Яўген Гатоўчык), які навучаў Паўлінку (Вераніка Сіланава) навамодным танцам і спяваў  рамансы. Па ходу імпрэзы вядучыя распавядалі пра жыццё і творчасць Янкі Купалы і Якуба Коласа. Узварушыў гледачоў вакальны дуэт Арсенія Леўшына (клавішы) і Ірыны Трафімавай (гітара). Яны спявалі як народныя песні, так і сучасныя беларускія. Школьнікі рэагавалі на іх выступленне бурнымі апладысментамі, акрамя таго самі падпявалі вядомыя кампазіцыі . Закончылася вечарына песняй Г. Бураўкіна “Мы здалёк убачылі свабоду” ў выкананні Тамары Храпавіцкай. Яна запаліла залу сваім эмацыянальным выкананнем.

Мерапрыемства атрымалася дынамічным і насычаным, за што арганізатары атрымалі шчырыя падзякі гледачоў, вучняў школ горада.

Людміла СЯМЕНАС, бібліятэкар

 дзіцячай бібліятэкі імя У. Дубоўкі.

(кликабельно)

898 просмотров всего, 2 просмотров сегодня

Метки: , . Закладка Постоянная ссылка.

Оставьте свой комментарий

  • users online

     

     

  • ЛЕГЕНДА ПРА ПАСТАВЫ

         У даўнія часы жылі тут два браты – Іван і Пятро.

    Першы ад нараджэння быў хітры, ліслівы, калі яму штотрэба было, то з-пад зямлі мог узяць, з рук выхапіць. Такім ужо анёлкам прыкінецца, што проста шкада на яго глядзець, не тое каб просьбу ягоную не выканаць.

    А Пятро, наадварот, быў працавіты, сумленны, але не вельмі гаваркі, хутчэй – маўклівы.

    Бацька часта яму гаварыў: чытаць далей>>>