Дзень праваслаўнай кнігі

      Святкаванне Дня праваслаўнай кнігі ў Беларускай Праваслаўнай Царкве стала добрай традыцыяй. Галоўная мэта святкавання – развіццё цікавасці  да праваслаўнай кнігі і прывіццё любові да чытання ў дзяцей і падлеткаў.

Мерапрыемствы, прымеркаваныя да гэтай падзеі, праходзяць у лютым – сакавіку ва ўсіх епархіях Беларускага Экзархата, у публічных і царкоўных бібліятэках, сярэдніх і вышэйшых навучальных установах.

        Бібліятэкар Пастаўскай дзіцячай бібліятэкі імя У. Дубоўкі пабывала на адным з мерапрыемстваў у рамках правядзення Дня праваслаўнай кнігі, якое адбылося ў культурна-асветніцкім цэнтры “Ковчег” Свята-Елісавецінскага жаночага манастыра. Гэта быў семінар “Обзор православной литературы для работы в школах и дошкольных учреждениях”. Манахіня Сафія расказала аб навінках праваслаўнай кнігі, якія выдаюцца ў Беларусі і Расіі. Асаблівую ўвагу яна надала дзіцячай літаратуры. Кнігі, якія калісьці чыталі дзеці царскай сям’і, зноў пабачаць свет і знойдуць свайго чытача. Літаратура, прысвечаная святому  воінству будзе цікава хлопчыкам, будучым абаронцам сваёй Айчыны. Вялікай княгіні Елізавеце Фёдараўне, у гонар якой названы манастыр, прысвечана маляўнічае выданне з фотаздымкамі і апісаннем яе жыцця. Падчас семінара манахіня Сафія дзялілася сваімі ведамі і настаўленнямі пра выхаванне дзяцей, далучэнне іх да веры і Бога.

      Пасля семінара ўсе жадаючыя адправіліся на экскурсію па храмах манастыра. Наведванне культурна-асветніцкага цэнтра, храмаў, выстаў, размовы – усё гэта пакінула ў душы светлае і ўзнёслае пачуццё.

507 про­смот­ров все­го, 2 про­смот­ров сего­дня