У зімовую часінку пагуляйся са сняжынкай

           Са  старажытных часоў  культурнае  жыццё беларусаў  цесна звязана  са святамі каляндарнага года, якія маюць  сваю атрыбутыку, звычаі, характэрныя прыкметы і павер’і.

30 студзеня вучні 4 класа Варапаеўскай сярэдняй школы мелі магчымасць пазнаёміцца з імі бліжэй, калі прынялі ўдзел у шанс-віктарыне, якую падрыхтавалі для іх бібліятэкары Варапаеўскай гарпасялковай бібліятэкі па кнізе “Народны каляндар школьніка”. Асаблівая ўвага была засяроджана на такіх зімовых святах, як Каляды, Грамніцы і Масленіца. Пытанні віктарыны  складалася з трох блокаў, кожны з якіх адказваў за пэўнае свята. Што любіць Каляда і калі распачынаецца Куцця? Адкуль пайшла назва “Стрэчанне” і якія стравы можна прыгатаваць на Грамніцы?  Якое свята можа быць напрыканцы зімы і чаму спальваюць пудзіла? На гэтыя і шмат іншых пытанняў прапанавалася адказаць хлопчыкам і дзяўчынкам. Мерапрыемства атрымалася пазнавальным, цікавым і дынамічным. Дзеці пераканаліся,  што нашы беларускія святы каларытныя, поўныя загадак і народнай мудрасці.

“Што за свята:

Гасцей поўная хата,

На падлозе ляжыць,

Плача, што не можа жыць,

А як атрымлівае прысмакаў мех,

Падскоквае пад песню й смех?

                                   (Каляды)”

1,024 про­смот­ров все­го, 3 про­смот­ров сего­дня