• «Любіце кнігу, бо яна — крыніца мудрасці, ведаў і навукі, лекі для душы» (Францыск Скарына)

“О, Беларусь, мая шыпшына”: анлайн-конкурс

Нацыянальная бібліятэка Беларусі, Дзяржаўны музей гісторыі беларускай літаратуры і Беларускі дзяржаўны архіў-музей літаратуры і мастацтва, РВУ “Выдавецкі дом “Звязда” (часопіс “Маладосць”) сумеснымі намаганнямі ажыццяўляюць віртуальны праект “На хвалі часу, у плыні жыцця”.

Праект прымеркаваны да 100-годдзя літаратурнага аб’яднання беларускіх савецкіх пісьменнікаў “Маладняк”, які адыграў значную ролю ў развіцці беларускай літаратуры міжваенных гадоў, зрабіўшыся першым прафесійным аб’яднаннем айчынных пісьменнікаў.

У рамках дадзенага праекта Нацыянальная бібліятэка Беларусі сумесна з інфармацыйнымі партнёрамі ладзіць да 120-годдзя Уладзіміра Дубоўкі анлайн-конкурс чытальнікаў.

Канцэпцыя конкурса: спампаваць

 Канцэпцыя правядзення анлайн-конкурсу чытальнкаў

Анлайн-конкурс чытальнікаў

“О, Беларусь, мая шыпшына”, прымеркаванага да 120-годдзя Уладзіміра Дубоўкі ў рамках праекта “На хвалі часу, у плыні жыцця”

Уладзімір Дубоўка зрабіў каштоўны ўнёсак у скарбніцу нацыянальнай культуры, узбагаціўшы беларускую літаратуру яркімі паэтычнымі творамі. Яго бліскучы талент стварыў новы, кранальны і ўзвышаны вобраз Беларусі часу бурлівых грамадскіх перамен. Мэта конкурсу – далучэнне шырокай грамадскасці да святкавання 120-годдзя Уладзіміра Дубоўкі, а таксама прыцягненне ўвагі да новага раздзела віртуальнага праекта НББ “На хвалі часу, у плыні жыцця”, прысвечанага творчасці паэта.

Задачы:
 папулярызацыя творчасці беларускага пісьменніка У. Дубоўкі;
 павышэнне цікавасці грамадства да беларускай літаратуры і скарбаў нацыянальнай культуры;
 прыцягненне ўвагі грамадскасці да фондаў Нацыянальнай бібліятэкі Беларусі, даступных анлайн;
 развіццё творчага патэнцыялу асобы.

Арганізатар: Нацыянальная бібліятэка Беларусі.
Інфармацыйныя партнёры: часопісы “Маладосць” (РВУ “Выдавецкідом “Звязда”) і “Бярозка”.

Удзельнікі конкурсу: усе жадаючыя
Тэрміны конкурсу: 1 кастрычніка – 15 лістапада 2020 г. Конкурсныя работы: анлайн-выступленне з выразным чытаннем вершаў Уладзіміра Дубоўкі.

Умовы конкурсу:
1. Удзельнік запісвае сваё чытанне верша паэта на відэа (абавязкова напачатку назваўшы сябе і агучыўшы назву твора), запампоўвае відэазапіс на любы файлаабменнік і дасылае на электронную пошту konkurs.dubowka120@gmail.com спасылку на свой запіс. У лісце таксама паведамляе свае імя і прозвішча, узрост, горад пражывання, месца вучобы/працы, кантактны нумар тэлефона.
2. Заяўкi на конкурс прымаюцца з 1 кастрычніка па 15 лістапада 2020 г.
3. Удзельнік дазваляе выкарыстоўваць сваю конкурсную работу на партале бібліятэкі, у сацыяльных сетках з абавязковым пазначэннем
аўтарства. Творчыя работы будуць ацэнены журы, якое вызначыць пераможцаў. Крытэрыі ацэнкі відэа: выразнасць чытання і артыстычнасць выканання.
Акрамя таго, плануецца прыз для пераможцы глядацкіх сімпатый (відэачытанне, якое атрымае найбольшую колькасць падабаек у сацсетках) і прыз сімпатый рэдакцыі часопіса “Маладосць”.

Пераможцы будуць абвешчаны 19 лістапада 2020 г.

У склад журы ўваходзяць супрацоўнікі Нацыянальнай бібліятэкі Беларусі, выкладчыкі, акцёры i iншыя эксперты.

Узнагароды пераможцам конкурсу:
Тры пераможцы, якія зоймуць І–ІІІ месцы, будуць адзначаны:
 памятнымі дыпломамі;
 запрашэннем на мерапрыемства, прысвечанае творчасці пісьменнікаў літаб’яднання “Маладняк”, якое пройдзе ў Нацыянальнай бібліятэцы Беларусі ў студзені;
 бясплатнай экскурсіяй па бібліятэцы (з наведваннем музея кнігі і пад’ёмам на аглядную пляцоўку);
 размяшчэннем конкурснай работы і інфармацыі пра аўтара на партале і ў сацсетках бібліятэкі, а таксама на інфармацыйных рэсурсах часопісаў “Бярозка” і “Маладосць”;
 кнігамі РВУ “Выдавецкі дом “Звязда”;
 падарункамі ад часопісаў “Маладосць” і “Бярозка”.

Акрамя галоўных пераможцаў, дзесяць лепшых работ і пераможца глядацкіх сімпатый будуць адзначаны:
 памятнымі дыпломамі;
 бясплатнай экскурсіяй па бібліятэцы (з наведваннем музея кнігі і пад’ёмам на аглядную пляцоўку);
 размяшчэннем інфармацыі пра аўтараў на партале і сацсетках бібліятэкі, сайтах часопісаў “Маладосць”,“Бярозка”;
 прадугледжаны спецыяльны прыз ад часопіса “Маладосць” (прыз сімпатый рэдакцыі).

Вынікі конкурсу будуць абвешчаны на партале www.nlb.by і ў сацыяльных сетках Нацыянальнай бібліятэкі Беларусі, а таксама на старонках і сацыяльных сетках часопісаў “Маладосць” і “Бярозка”.

Тэлефоны для даведак: 293–27-19, 293–29-69 ці пішыце на электронную крынку
oniki@nlb.by

______________________

Падрабязней з праектам можна азнаёміцца па спасылцы:  https://www.nlb.by/by/infarmatsyynyya-resursy/elektronnyya-infarmatsyynyya-resursy/resursy-natsyyanalnay-bibliyateki-belarusi/virtualnyya-praekty-vysta-ki-i-kalektsyi/virtualnyya-praekty-bibliyateki/virtual/na-khvali-chasu-u-plyni-zhytstsya/?back_url_admin=%2Fbitrix%2Fadmin%2Fiblock_list_admin.php%3FIBLOCK_ID%3D66%26type%3Dprojects_by%26lang%3Dby%26find_section_section%3D4604

______________________

Если вы нашли ошиб­ку, пожа­луй­ста, выде­ли­те фраг­мент тек­ста и нажми­те Ctrl+Enter.

189 про­смот­ров все­го, 1 про­смот­ров сего­дня

Метки: , . Закладка Постоянная ссылка.

Добавить комментарий

Ваш e-mail не будет опубликован. Обязательные поля помечены *

AlphaOmega Captcha Classica  –  Enter Security Code
     
 

  • Разделитель