Прэзентацыя кнігі Леаніда Семянаса “Через годы, через расстояния”

     22 чэрвеня ў чытальнай зале Варапаеўскай горпасялковай бібліятэкі адбылася прэзентацыя кнігі Леаніда Семянаса “Через годы, через расстояния”.

Леанід Альфонсавіч нарадзіўся ў 1949 годдзе ў в. Ракіты Пастаўскага раёна.Закончыў Даўгаўпілскі чыгуначны тэхнікум, пазней Ленінградскае вучылішча ваенных зносін, не адзін дзесятак год адслужыў у чыгуначных вайсках. Падраздзяленні, якімі камандаваў Леанід Альфонсавіч, будавалі пуці ў Манголіі, Карэліі, на БАМе, у 9 рэспубліках і абласцях СССР, ліквідоўвалі наступствы тэхнагеннай катастрофы на Чарнобыльскай АЭС. Выйшаў у запас у званні маёра.

Будучы ваенным пенсіянерам, 11 год адпрацаваў начальнікам участка Варапаеўскай дыстанцыі пуці.Пісаць пачаў яшчэ ў школе.Падчас афіцэрскай службы яго заметкі змяшчаліся  ў  армейскай  шматтыражцы, дывізіённай   газеце,друкаваліся ў часопісе “Юнасць”.

У цяперашні час з’яўляецца няштатным карэспандэнтам газеты “Пастаўскі край”. На сустрэчу прыйшло шмат людзей: ветэраны чыгункі, цяперашнія супрацоўнікі , сябры, знаёмыя і проста людзі, якія ведаюць Леаніда Альфонсавіча па яго цікавым  газетным артыкулам. Кніга складаецца з дзвюх частак і прысвячаецца  сям’і, родным, бацькам і таварышам па службе. У ёй  апісваюцца працоўныя будні пуцейцаў, лірычныя замалёўкі прыроды і жывёльнага свету,прысутнічаюць цікавыя жыццёвыя разважанні. Леанід Альфонсавіч расказаў аб гісторыі напісання кнігі,аб  цікавых выпадках з жыцця сваіх калег-чыгуначнікаў, аб сваёй вёсцы, якой,на жаль, ужо няма.

Успамінам спрыялі цёплыя  сяброўскія абставіны за кубачкам гарбаты і музычныя паўзы, прадстаўленыя тэматычнымі песнямі ў выкананні выкладчыцы музычнай школы Міхалевіч А.В.

1,413 про­смот­ров все­го, 1 про­смот­ров сего­дня