• «Любіце кнігу, бо яна — крыніца мудрасці, ведаў і навукі, лекі для душы.» (Францыск Скарына)

“О малой родине стихами…”

        “О малой родине стихами…”- так называўся паэтычны вернісаж, які адбыўся ў Варапаеўскай гарпасялковай бібліятэцы і сабраў шмат прыхільнікаў паэтычнага слова.

         Запрашаючы на свята, бібліятэкары імкнуліся даведацца ў кожнага назву яго маленькай  радзімы  , каб яркімі стыкерамі адзначыць на карце.

У выніку такога “даследвання” атрымаліся тры карты: “ Пастаўскі раён”, “Віцебская вобласць” і “Беларусь”. Найбольш стыкераў сабраў пасёлак Варапаева і вёска Кейзікі .

     Вядучыя вечара бібліятэкары Міхалевіч Алена Іосіфаўна  і Жук Людміла Станіславаўна  расказалі  аб тым, што сёлетні Год малой радзімы, як і мінулы і наступны -гэта яшчэ адна магчымасць для нас узгадаць, дзе нашы карані і вытокі. Ва ўсе часы светлыя ўспаміны пра родныя месцы і людзей дапамагаюць нам ісці па жыцці, пераадольваючы цяжкасці і перашкоды. Што такое малая радзіма? У лёсе кожнага чалавека яна шматаблічная. Для многіх з нас — гэта вёска, пасёлак ці аграгарадок, дзе першым словам навучыла маці, дзе прайшлі лепшыя дзіцячыя гады, дзе зрабіў свае крокі ў самастойнае жыццё. Малая радзіма — гэта той куточак , куды заўсёды хочацца вяртацца.

       Вядучыя агучылі вершаваныя прысвячэнні малой радзіме класікаў нацыянальнай літаратуры ,якія жылі ў мінулым стагоддзі ,сучасных паэтаў.          Потым свае кранальныя вершы і прызнанні ў любові да малой радзімы  прачыталі мясцовыя паэты: Малевіч Людміла Ўладзіміраўна, Шылько Ганна Эдуардаўна , Аліхвер Мая Арсеньеўна, Скабёлкіна Сафія Станіславаўна, Янцэвіч -Дзевятоўская Леакадзія Аляксандраўна .

      Пад час паэтычнай імпрэзы вечара адбылася прэзентацыя новай кнігі Аліхвер-Івановай Святланы Арсеньеўны “Услед за сонцам”. Аўтар расказала аб гісторыі яе напісання , чытала свае вершы на беларускай, рускай і нямецкіх мовах. Кніга складаецца з наступных частак:

1.Биография

2.Стихотворения

3.Научная работа “Метафоры в творчестве Ивановой Светланы Арсеньевны”

4.Статьи из газет РБ и ФРГ

5.Фотографии:

      1) Семья

      2) Ваш классный руководитель

      3) Школьные обмены.

Тэматыка вершаў умоўна падзелена на дзве часткі : “Маё акружэнне”- сям’я, прырода, людзі на яе шляху і вакол, роздумы аб жыцці і г.д. і “Свет кахання” – аб вялікім пачуцці паміж мужчынай і жанчынай , дзе дзейнік “Я” з’яўляецца паэтычным вобразам, а  не біяграфічнай асобай.

      Прыхільнікі паэзіі Святланы Арсеньеўны чыталі яе вершы ўслых, у канцы мерапрыемства кожны жадаючы змог набыць сабе кнігу з аўтографам аўтара.

        Сапраўдным упрыгожваннем вечара сталі музычныя паўзы , якія былі прадстаўлены песнямі  “Васільковае лета “ і “Белая ластаўка” у  выкананні вучаніцы Варапаеўскай школы мастацтваў Багушэвіч Крысціны .

        З задавальненнем    прысутныя пазнаёміліся  з разгорнутай фотавыставай мясцовых краявідаў Аляксандра Кірылава “Куточак родны, дарагі, адзіны” і выставай Кейзіка Івана Іванавіча “Драўляных спраў майстар”.

         Вечар прайшоў у шчырай і сардэчнай абстаноўцы.Тужліва шчымлівыя ўспаміны аб сваёй малой радзіме далі магчымасць кожнаму з нас зразумець, што край, у якім мы жывём-гэта самы цудоўны падарунак лёсу, самае дарагое, што ў нас ёсць, патрэбна толькі сэрцам адчуць еднасць з ім, ведаць яго мінулае, ганарыцца яго культурнай спадчынай.

                                                  

Міхалевіч Алена Іосіфаўна , загадчыца Варапаеўскай г.п. бібіліятэкі

395 просмотров всего, 8 просмотров сегодня

Метки: , . Закладка Постоянная ссылка.

Оставьте свой комментарий