Літаратурная гульня “Чарадзейная краіна Васіля Віткі”

       У гэтым годзе 16 мая мы адзначаем 115 гадоў з дня нараджэння аднаго з выдатнейшых дзіцячых пісьменнікаў нашай краіны Васіля Віткі.

Парыжская сельская бібліятэка не засталася ў старонцы, а падрыхтавала для сваіх маленькіх чытачоў літаратурную гульню “Чарадзейная краіна Васіля Віткі”.

Казкі Васіля Віткі надзвычай займальныя і нясуць у сабе багаты пазнавальны матэрыял. Гэта цэлы свет адкрыццяў, дзе ў фальклорную казачную аснову арганічна ўплятаецца наша сучаснасць з высокай тэхнікай, з усімі прыкметамі тагачаснага ладу жыцця. Сваімі творамі аўтар вучыць дзяцей любіць родную мову, імкнецца дапамагчы разабрацца ў разуменні дабра і зла, выхаваць іх людзьмі актыўнымі, бадзёрымі, эмацыянальнымі, дапамагае дзецям своечасова рабіць для сябе патрэбныя адкрыцці ў навакольным асяроддзі.

Падчас літаратурнай гульні дзеці знаёміліся з творчасцю Васіля Віткі, адгадвалі загадкі і аказвалі на пытанні па казках пісьменніка.

Мерапрыемста было пазнавальным, цікавым і змястоўным.

413 про­смот­ров все­го, 4 про­смот­ров сего­дня