Літаратурная кампазіцыя “Паэты Пастаўшчыны”

     Наша Пастаўшчына – калыска песен, шматколернае поле паэзіі, зямля, якая нарадзіла, узгадавала і дала крылы для магутнага палёту многім землякам.

Лынтупская гарпасялковая бібліятэка сумесна з настаўнікамі беларускай мовы і літаратуры для вучняў 7–11 класаў правяла літаратурную кампазіцыю “Паэты Пастаўшчыны”. Складалася мерапрыемства з блокаў: кожны настаўнік паведаміў пра свайго любімага паэта-земляка. Бібліятэкар прысутных пазнаёміла больш падрабязна з таленавітым пісьменнікам, паэтам, перакладчыкам і крытыкам Уладзімірам Дубоўкам, імя якога носіць Пастаўская дзіцячая бібліятэка. Звярнула ўвагу на выдадзеную супрацоўнікамі бібліятэкі міні-энцыклапедыю аб жыццёвым і творчым шляху паэта, пазнаёміла дзяцей з кнігамі У. Дубоўкі, якія ёсць у фондзе бібліятэкі. У канцы мерапрыемства адбыўся агляд новых кніг на беларускай мове, якія атрымала бібліятэка.

Арганізатарам мерапрыемства вельмі  хацелася, каб дзеці  акунуліся ў атмасферу самабытнасці і непаўторнасці роднага слова, і каб  кожны дзень, не толькі ў школе, гучала мілагучная беларуская мова.

Кален­дарь дат (Поста­вы)

1,835 про­смот­ров все­го, 1 про­смот­ров сего­дня