Сатырычны нон-стоп “Цвяроза жыць – век не тужыць”

      Шмат людзей пакутуюць ад алкагалізму, які разбурае не толькі сям’ю, але і асобу чалавека. Многія зрабілі алкаголь часткай свайго жыцця, шчыра мяркуючы, што толькі такім спосабам можна максімальна расслабіцца, узняць настрой  і хораша правесці свой вольны час.

Залежнасць ад алкаголю –  адно з самых складаных расстройстваў, якое можа быць даволі небяспечным. Таму вельмі важна працаваць над яго прафілактыкай. Для тых, каго нельга запалохаць наступствамі ўздзеяння алкаголю на арганізм, застаецца яшчэ адзіны выхад – змагацца з залежнасцю з дапамогай гумару і сатыры.

        1 красавіка ў Варапаеўскай гарпасялковай бібліятэцы адбыўся сатырычны нон-стоп Дзевятоўскай (Янцэвіч) Леакадзіі Аляксандраўны “Цвяроза жыць – век не тужыць”. Леакадзія Аляксандраўна – мясцовая паэтка, актыўная ўдзельніца клуба паэзіі “Брыганціна”. Яе сатырычныя  байкі на злабадзённыя тэмы, якія друкаваліся ў газетах “Пастаўскі край”,  “Друг пенсионера”, у часопісе “Вожык”, маюць павучальны і выхаваўчы сэнс і заўсёды знаходзяць водгук у слухачоў, а іншых прымушаюць задумацца над сваімі паводзінамі і ўчынкамі.

1,629 про­смот­ров все­го, 3 про­смот­ров сего­дня