Шамякіну – 100

       Кнігі Івана Шамякіна “Крыніцы”, “Трывожнае шчасце”, “Сэрца на далоні”, “Снежныя зімы”, “Петраград-Брэст” і многія іншыя раскрываюць лёс беларускага  народа  20 стагоддзя.

     30 студзеня пісьменніку споўнілася б 100 гадоў. Да гэтай нагоды ў Юнькаўскай сельскай бібліятэцы была аформлена кнігавыстава “Чалавек вялікай душы і таленту” і праведзены агляд творчасці пісьменніка. Прысутныя пазнаёміліся з яго біяграфіяй, творамі, выказалі свае ўражанні аб прачытаным, а таксама атрымалі магчымасць ўзяць з сабой кнігі, якія ім спадабаліся. Сустрэча атрымалася пазнавальнай і пакінула станоўчыя эмоцыі ў душы чытачоў бібліятэкі. Кнігавыстава будзе дзейнічаць да канца студзеня.

 

     У Камайскай сельскай бібліятэцы да юбілею І. Шамякіна з 23 студзеня пачала дзейнічаць кніжная выстава “Натхненне і майстэрства”.

Вынікі 60-гадовай творчай працы беларускага класіка – 130 кніг, агульны тыраж якіх склаў звыш 25 мільёнаў экзэмпляраў. Некаторыя творы пісьменніка экранізаваны. Вядомасць Івану Шамякіну прынёс першы раман “Глыбокая плынь”. Гэта кніга і шмат іншых дэманструюцца  на выставе і кожны жадаючы можа ўзяць іх і пачытаць.

 

     Юбілею І. Шамякіна прысвечана кніжная паліца “Жыццё навучае. Але жыццё можна і правучыць…”, якая з 25 студзеня аформлена ў Старадворскай сельскай бібліятэцы. Увазе чытачоў  прадстаўлены творы пісьменніка: “Сэрца на далоні”, “Злая зорка”, “Крыніцы”, “Шлюбная ноч”, “Ах, Міхаліна, Міхаліна” і іншыя. Таксама чытачы  могуць пазнаёміцца і з крытычнымі матэрыяламі  аб жыццёвым і творчым шляху І. Шамякіна, і з вершамі паэта Міхася Калачынскага, прысвечанымі  класіку.

⇒ Шамякин

Если вы нашли ошиб­ку, пожа­луй­ста, выде­ли­те фраг­мент тек­ста и нажми­те Ctrl+Enter.

659 про­смот­ров все­го, 3 про­смот­ров сего­дня

Метки: , , , . Закладка Постоянная ссылка.

Добавить комментарий

Ваш адрес email не будет опубликован. Обязательные поля помечены *

AlphaOmega Captcha Classica  –  Enter Security Code
     
 

  • Разделитель