Горад над Мядзелкай-ракой

     Пастаўская дзіцячая бібліятэка імя У. Дубоўкі працягвае ажыццяўляць праект “Паставы – мой гонар і любоў”, прысвечаны 615-годдзю першага ўпамінання Пастаў у гістарычных хроніках.

Паставы – адзін з прыгажэйшых гарадоў нашай Беларусі. Ён натхняе паэтаў, музыкантаў, мастакоў, і нараджаюцца вершы, песні, музыка. Менавіта так адбылося з паэмай  “Горад музыкі і сонца”. Гэтым творам Аркадзь Нафрановіч праспяваў гімн гораду Паставы, яго адметнай і вечнай прыгажосці.

У сваю чаргу паэма стала асновай відэароліка “Горад над Мядзелкай-ракой”, над якім працавалі супрацоўнікі дзіцячай бібліятэкі.  Гармонія вершаў нашага земляка Аркадзя Нафрановіча натуральна спалучаецца з пейзажамі горада. А ўсё разам стварае ўрачысты, сонечны, светлы настрой.

Ад шчырага сэрца мы прапануем нашым гледачам акунуцца ў атмасферу сонца і радасці, якая так сагравае ў снежаньскія змрочныя дні.

46 про­смот­ров все­го, 46 про­смот­ров сего­дня