Эканоміка

АГУЛЬНЫ СТАН ЭКАНОМІКІ 

У аграпрамысловым комплексе 21 сельскагаспадарчае прадпрыемства, іх абслугоўвае ААТ “Паставы райаграсэрвіс”, ЗАТ “Паставы Энерга”. Буйнейшым з’яўляецца СВК “Камайскі”, дзе выконваецца да 27% валавай прадукцыі  ад атрыманай у аграпрамысловым комплексе раёна. Пераможцам рэспубліканскага спаборніцтва па вытворчасці зерня ў 2004 годзе прызнаны СВК “Хацілы”. Стабільна працуюць СВК “Навасёлкі-Лучай” (спецыялізуецца на вытворчасці і перапрацоўцы рапсу), СВК “Яновіца”, “Свіранскі”, СВК “Ярэва”, СВК “Блакітныя азёры”. Сельская гаспадарка спецыялізуецца пераважна на мясамалочнай жывёлагадоўлі, ільнаводстве. Вырошчваюць збожжавыя і кармавыя культуры, бульбу.

У раёне шмат зроблена па ўдасканаленні аграпрамысловага комплексу: рэструктурызацыя прадпрыемстваў шляхам далучэння слабых сельскіх гаспадарак да эканамічна больш моцных – гэта дазволіла сканцэнтраваць матэрыяльна-тэхнічныя і людскія рэсурсы для атрымання станоўчага выніку.

Прамысловасць раёна прадстаўлена 13 прадпрыемствамі. Асноўнымі галінамі спецыялізацыі з’яўляюцца харчовая і дрэваапрацоўчая.

Перапрацоўку сельскагаспадарчай прадукцыі ажыццяўляюць 6 прадпрыемстваў. Самае буйное па аб’ёме таварнай прадукцыі – ААТ “Пастаўскі малаказавод”, якое штогод нарошчвае аб’ёмы вытворчасці і пашырае асартымент сваёй прадукцыі.

КУП “Пастаўскі мясакамбінат” праводзіць пярвічную перапрацоўку сыравіны.

РУП “Лынтупскі спіртзавод” выпускае спірт–сырэц і спірт–рэктыфікат.

Перапрацоўку садавіны і гародніны ажыццяўляе УДП “Пастаўскі кансервавы завод”.

На мясцовыя і ўласныя рэсурсы зарыентавана работа ААТ “Пастаўскі льнозавод”, які выпускае льновалакно і развівае сетку падсобнай гаспадаркі.

Лясная і дрэваапрацоўчая прамысловасць прадстаўлена ДЛГУ “Пастаўскі лясгас”, ААТ “Варапаеўскі ДАК”, ААТ “Паставы – мэбля”, ЧУП “Пастаўскі мэблевы цэнтр”, якія выпрацоўваюць мэблю, дзвярныя і аконныя блокі, піламатэрыялы.

Радыёэлектронная прамысловасць у раёне прадстаўлена ПТЧУП “Завод Беліт”, якое ўваходзіць у мінскае аб’яднанне “Гарызонт”.

У г. п. Варапаева працуе завод жалезабетонных вырабаў, які забяспечвае будаўнічыя арганізацыі жалезабетоннымі канструкцыямі.

Для абслугоўвання насельніцтва і народнай гаспадаркі сродкамі сувязі і радыёфікацыі ў раёне дзейнічае 6 гарадскіх і 35 сельскіх аўтаматычных станцый, 7 радыёвузлоў, 43 аддзяленні сувязі. На кожных 100 жыхароў раёна прыходзіцца 27,1 тэлефона, на кожную 1000 жыхароў – 1 таксафон. Насельніцтву аказваюцца інтэрнэт-паслугі. На тэрыторыі раёна дзейнічае 2 аператары сотавай сувязі МТС і Velcom.

 

ЛІТАРАТУРА

1. 1. Казу­ро, О. Глав­ное – стрем­ле­ние впе­рёд / О. Казу­ро // 7 дней. – 2006. – 12 янв. – С. 8.
2. Залес­ская, С. Боль­шие пер­спек­ти­вы малых горо­дов / С. Залеская // Віцеб­скі рабочы. – 2007. – 5 ліп. – С. 2.
3. Постав­ский рай­он / ред. : Л.М. Дра­бо­вич [и др.] ; фото С. Плыт­ке­ви­ча. – С. 11–17.
4. Про­грам­ма соци­аль­но-эко­но­ми­че­ско­го раз­ви­тия горо­да Поста­вы на 2006–2010 года // Пас­таўскі край. – 2007. – 11 крас. – С. 3–6.
5. Сацы­яль­на-эка­на­міч­нае ста­но­віш­ча раё­на за студзень–сакавік 2008 года // Пас­таўскі край. – 2008. – 8 мая. – С. 9.

___________________________________________________

БУЙНЕЙШЫЯ ПРАДПРЫЕМСТВЫ 

 

⇒   Варапаеўскі ДАК, ААТ

⇒    Завод Беліт, ПТЧУП

Паставы–мэбля, ААТ

⇒   Пастаўскі льнозавод, ААТ

⇒   Пастаўскі кансервавы завод, УДП

⇒   Пастаўскі лясгас, ДЛГУ

⇒   Пастаўскі малаказавод, ААТ

Пастаўскі мясакамбінат, КУП

⇒   Лынтупскі спіртзавод, РУП

Пастаўскі мэблевы цэнтр, ЧУП

_________________________________________

***

12,491 про­смот­ров все­го, 30 про­смот­ров сего­дня