Пад мірным небам Беларусі

       3 ліпеня ў нашай краіне адзначаецца Дзень Незалежнасці Рэспублікі Беларусь — найважнейшая дата для кожнага грамадзяніна. У гэты дзень па ўсёй рэспубліцы ладзяцца ўрачыстыя мерапрыемствы: мітынгі, парады і канцэрты. На галоўнай плошчы Пастаў таксама разгарнулася насычаная праграма, прысвечаная знакавай падзеі.

Пастаўская дзіцячая бібліятэка-філіял імя У. Дубоўкі далучылася да святкавання і прадставіла пазнавальную праграму “Пад мірным небам Беларусі”. Каб атрымаць заданне, удзельнікам трэба было прайсці па імправізаваных «купінах». За кожны правільны адказ удзельнікі атрымлівалі фрагмент пазла.

Пытанні міні-квэста прапаноўвалі прыгадаць дзяржаўную сімволіку, народныя святы, беларускіх пісьменнікаў і адметнасці беларускай прыроды. У гульні з азартам прымалі ўдзел не толькі дзеці, але і дарослыя. Тыя, хто вагаўся з адказам, маглі звярнуцца па падказку да кніжнай выставы.

У фінале праграмы ўдзельнікі аб’ядналі сабраныя элементы і склалі герб Рэспублікі Беларусь. Гульня атрымалася вясёлай, пазнавальнай і патрыятычнай, стаўшы яркай часткай вялікага агульнага свята.

239 про­смот­ров все­го, 3 про­смот­ров сего­дня