Бацькоўскі тыдзень.

     З 14 па 21 кастрычніка ў Пастаўскай дзіцячай бібліятэцы праходзіў бацькоўскі тыдзень, прымеркаваны да Дня маці і да Дня бацькі.

     Супрацоўнікамі бібліятэкі быў падрыхтаваны шэраг мерапрыемстваў.

Так, на абанеменце чытачам прапаноўвалі паўдзельнічаць у квілце “Словы добрыя родным самым”, падчас якога дзеці пісалі ласкавыя і пяшчотныя словы сваім бацькам.  Пазнавальна і карысна прайшоў майстар-клас “Падарунак для мамы”. Пад кіраўніцтвам бібліятэкара дзяўчаты выраблялі сувеніры ў выглядзе сардэчак для сваіх любімых  мам.  Безумоўна, на працягу гэтага тыдня  бібліятэкары стараліся зацікавіць  сваіх чатачоў літаратурай, прысвечанай тату і маме. А ў чытальнай зале была аформлена кніжная вітрына “Вялікае святое слова — МАЦІ”.

    Бацькоўскі тыдзень засяродзіў увагу нашых чытачоў на самых родных людзях і падштурхнуў дзяцей  зрабіць для іх штосьці прыемнае.

1,744 про­смот­ров все­го, 1 про­смот­ров сего­дня